ບົດບາດຂອງແມ່ຍິງໃນການຕັດສິນໃຈໃນການຄຸ້ມຄອງທີ່ດິນ ມີຄວາມສໍາຄັນຢ່າງຍິ່ງ

ໂພສວັນທີ: 20 ພຶດສະພາ 2019

By: DALaM, LIWG, GAPE and VFI

ນັກວິໄຈ ຈາກມະຫາວິທະຍາໄລ Colorado Boulder (CU Boulder) ທີ່ໄດ້ ເຜີຍແຜ່ບົດສຶກສາ ໃນ ວາລະສານ Nature Climate Change ໃນເດືອນກ່ອນ ຕໍ່ກັບການສຶກສາຄົ້ນຄວ້າ ກ່ຽວກັບວ່າ ຈໍານວນຕົວເລກການມີສ່ວນຮ່ວມຂອງເພດສະພາບ (ໃນນີ້ອີງໃສ່ ເພດຍິງ ແລະ ເພດຊາຍ) ໃນໜ່ວຍງານການຄຸ້ມຄອງຂັ້ນທ້ອງຖິ່ນ ສາມາດຊ່ວຍຫຼຸດຜ່ອນການທໍາລາຍເນື້ອທີ່ປ່າໄມ້ ພ້ອມນັ້ນ ຍັງສາມາດປະເມີນກ່ຽວກັບຄວາມບໍ່ເທົ່າທຽມກັນໃນທ້ອງຖິ່ນຕໍ່ກັບວຽກງານດັ່ງກ່າວ ຫຼືບໍ

ໃນບົດວິໄຈ ນັກຄົ້ນຄວ້າໄດ້ສຳພາດປະຊາຊົນທັງໝົດ 31 ບ້ານ ທີ່ອາໃສຢູ່ບໍລິເວນ ປ່າໄມ້ລວມໝູ່ ໃນ 3 ປະເທດ ເຊັ່ນ ອິນໂດເນເຊາຍ, ເປຣູ ແລະ ທານຊາເນຍ ແລະ ໄດ້ມີການສໍາປະພາດ 440 ຄົນທີ່ໄດ້ມີການນໍາໃຊ້ປ່າໄມ້ ໃນຊຸມຊົນດັ່ງກ່າວ ໂດຍການນໍາໃຊ້ ເກມ ການຈໍາລອງສະຖານະການ ກ່ຽວກັບວ່າ ເຂົາເຈົ້າມີການຕັດສິນໃຈກ່ຽວກັບວ່າ ພວກເຂົາຈະມີການນໍາໃຊ້ໄມ້ຈັກຕົ້ນ ຈາກປ່າໄມ້ທີ່ມີການຄຸ້ມຄອງຮ່ວມກັນ. ໃນເກມດັ່ງກ່າວ ທາງຜູ້ວິໄຈມີການແບ່ງອອກເປັນ 8 ກຸ່ມ ແລະ ແຕ່ລະກຸ່ມນັ້ນ ເຄິ່ງໜຶ່ງຕ້ອງເປັນແມ່ຍິງ 50% ຂອງຈໍານວນໃນແຕ່ລະກຸ່ມທັງໝົດ. ສ່ວນອີກເຄິ່ງໜຶ່ງຂອງແຕ່ລະກຸ່ມ ແມ່ນບໍ່ໄດ້ມີການກໍານົດສະພາບທາງເພດ.

ຫຼັງຈາກມີການ ສຶກສາຕາມແບບຈໍາລອງນີ້ແລ້ວ ຜູ້ຄົ້ນຄວ້າໄດ້ສະຫຼຸບຜົນທີ່ໄດ້ຮັບວ່າ ຈໍານວນການມີສ່ວນຮ່ວມຂອງເພດສະພາບນັ້ນ ແມ່ນເຮັດຂັ້ນຕອນໃນການຕັດສິນໃຈ ມີປະສິດທິຜົນຫຼາຍກວ່າ ແລະ ສາມາດນໍາໄປສູ່ຄວາມເທົ່າທຽມກັນໃນການແບ່ງປັນດ້ານຜົນປະໂຫຍດ.

ການອະນຸລັກຊັບພະຍາກອນທໍາມະຊາດ ແມ່ນຈະມີຄວາມກ້າວໜ້າຫຼາຍຂື້ນ ເມື່ອແມ່ຍິງມີສ່ວນຮ່ວມໃນກຸ່ມໃນການຕັດສິນໃຈຄຸ້ມຄອງທາງດ້ານທີ່ດິນຫຼາຍຂື້ນ.

ຈາກການສຶກສາຂອງພວກເຂົາສະແດງໃຫ້ເຫັນອີກວ່າ ມັນຈະມີຜົນປະໂຫຍດຫຼາຍກວ່າ ເມື່ອມີການຈັດຈໍານວນຜູ້ມີສ່ວນຮ່ວມ ລະຫວ່າງເພດ (ເພດຍິງ ແລະ ເພດຊາຍ) ຢ່າງເທົ່າທຽມກັນ ຫຼາຍກວ່າ ການຈັດສັດສ່ວນຜູ້ມີສ່ວນຮ່ວມເປັນ 30% ຫຼື 1 ສ່ວນ 3 ຂອງຜູ້ເຂົ້າຮ່ວມທັງໝົດ.

ອ້າງອີງຈາກແຫຼ່ງຂໍ້ມູນ Mongabay: http://bit.ly/2LWAIUD