ວັນທີ 16 ຕຸລາ 2020: ວັນອາຫານໂລກ World Food Day 2020

By admin

ວັນທີ 16 ຕຸລາ ຂອງທຸກໆປີ ເປັນວັນທີ່ສໍາຄັນຄື ວັນອາຫານໂລກ World Food Day ໂດຍມີຈຸປະສົງເພື່ອໃຫ້ທຸກຄົນຄໍານຶງເຖິງຄວາມສໍາຄັນຂອງຂະບວນການຜະລິດອາຫານ ເພື່ອຄວາມສົມບູນ ແລະ ການເຕີບໂຕຂອງປະຊາກອນໂລກ ແລະ ການຮັກສາຊັບພະຍາກອນທໍາມະຊາດ ເພື່ອຮັກສາແຫຼ່ງອາຫານໄວ້.

ທີ່ມາຂອງ ວັນອາຫານໂລກ

ວັນອາຫານໂລກ ເກີດຂື້ນໃນປີ 1996 ໂດຍ ອົງການອາຫານ ແລະ ການກະເສດ ແຫ່ງ ສະຫະປະຊາຊາດ (FAO) ເຊິ່ງໄດ້ກໍານົດເອົາວັນທີ 16 ຕຸລາ (ມື້ດຽວກັນກັບທີ່ມີການກໍ່ຕັ້ງ ອົງການ) ຂອງແຕ່ລະປີ ເປັນວັນອາຫານໂລກ ເພື່ອເປັນກະຕຸ້ນໃຫ້ເກີດຄວາມຕະໜັກຮູ້ແລະ ເກີດການຮ່ວມມືຂອງທຸກພາກສ່ວນໃນການແກ້ໄຂບັນຫາຄວາມຄາດແຄວນດ້ານອາຫານ ແລະ ຄວາມອຶດຫິວທີ່ເກີດຂື້ນໃນທົ່ວທຸກມຸມໂລກ.

ຄວາມສໍາຄັນຂອງວັນອາຫານໂລກ

ວັນອາຫານໂລກ (World Food Day) ມີການດໍາເນີນມາແລ້ວກວ່າ 75 ປີ ໂດຍອົງການ FAO ເຊິ່ງໃນປີ 2020 ນີ້ ເປັນປີທີ່ຫຼາຍປະເທດໄດ້ຮ່ວມກັນ ເພື່ອໃຫ້ບັນລຸເປົ້າໝາຍໃນການກໍາຈັດຄວາມອຶດຫິວ ແລະ ຫຼຸດພົ້ນຄວາມຍາກຈົນ ເພື່ອເປັນການປົກປ້ອງໂລກເຮົາເອງ ໂດຍເນັ້ນການດູແລລະບົບຕ້ອງໂສ່ອາຫານທີ່ມີຄວາມຍືນຍົງ, ເພື່ອໃຫ້ປະຊາກອນໂລກເຂົ້າເຖິງອາຫານທີ່ມີຄຸນຄ່າທາງໂພສະນາການ ດ້ວຍການໃຊ້ວັດຕະນະກໍາ ແລະ ການຮ່ວມມືທີ່ແຂງແກ່ງຍິ່ງກວ່າເກົ່າ.

ຈາກການລາຍງານຂອງ FAO ປະຊາກອນໂລກກວ່າ 80% ແມ່ນກໍາລັງປະສົບກັນຄວາມຍາກຈົນ ໂດຍສ່ວນໃຫຍ່ແມ່ນອາໃສຢູ່ໃນພື້ນທີ່ເຂດຊົນນະບົດ ແລະ ອາໄສການຜະລິດກະສິກໍາ ເພື່ອການດໍາລົງຊີວິດ. ດັ່ງນັ້ນ ເພື່ອເປັນການພັດທະນາທີ່ມີຄວາມຍືນຍົງ ການໄດ້ຮັບຂໍ້ມູນ ແລະ ຄວາມຮູ້ ແລະ ເຂົ້າເຖິງນະວັດຕະກໍາທີ່ຊ່ວຍການແປຮູບອາຫານ ເພື່ອໃຫ້ຮັກສາອາຍຸຢ່າງຍາວນານ ແລະ ສົ່ງຈໍາໜ່າຍ ເພື່ອໃຊ້ຊັບພະຍາກອນທໍາມະຊາດໄດ້ຢ່າງຄຸ້ມຄ່າ ນັ້ນເປັນປັດໄຈທີ່ສໍາຄັນ.  

ອົງການ FAO ໄດ້ດໍາເນີນເປົ້າໝາຍໃນການແກ້ໄຂບັນຫາໄລຍະສັ້ນໃນກໍລະນີ ພົບເຫດການປະເທດທີ່ຕ້ອງການອາຫານສຸກເສີນ, ການຫຼຸດຜ່ອນຄວາມອຶກຫີວຢ່າງກະທັນຫັນ, ການດູແລກຸ່ມປະເທດທີ່ຕ້ອງອາໄສການນໍາເຂົ້າອາຫານຈໍານວນຫຼາຍເຊັ່ນ ບັນດາປະເທດ ໃນ Small Island Developing (SIDS) ເຊິ່ງເປັນປະເທດທີ່ມີການສົ່ງອອກນໍ້າມັນເປັນຈໍານວນຫຼາຍ.

ປີນີ້ເຫັນວ່າຫຼາຍປະເທດແມ່ນ ໄດ້ຮັບຜົນກະທົົບຫຼາຍຈາກການລະບາດພະຍາດໂຄວິດ-19 ເຮັດໃຫ້ການຂົນສົ່ງອາຫານຊ້າລົງ ດ້ວຍຂໍ້ຈໍາກັດຫຼາຍດ້ານ ແລະ ປະຊາກອນຫຼາຍພື້ນທີ່ກໍ່ປະສົບກັບບັນຫາການເຂົ້າເຖິງອາຫານ ເຊິ່ງບາງພື້ນທີ່ພົບວ່າ ມີຄວາມສ່ຽງທີ່ຕ້ອງໃຊ້ຈ່າຍຄ່າອາ ຫານຕໍ່ຄົວເຮືອນທີ່ສູງຂື້ນ ເນື່ອງຈາກຫຼາຍປະເທດມີການຈ້າງວຽກທີ່ຫຼຸດລົງ.

ເພື່ອເປັນການແກ້ໄຂບັນຫາສະເພາະໜ້າ ທາງອົງການ FAO ໄດ້ມີການນໍາໃຊ້ເທັກໂນໂລຢີ ມາໃຊ້ກັບອາຫານຫຼາຍຂື້ນ ດ້ວຍການໃຊ້ແອັບພລິເຄເຊິນ ທີ່ສົ່ງຕໍ່ຂໍ້ມູນແບບໄວວາມາຫາສໍາໜັກງານໃຫຍ່ຂອງອົງການ FAO ທີ່ກຸງໂຣມ ໂດຍທີມງານຈາກທົ່ວໂລກຂອງອົງການ FAO ເພື່ອໃຫ້ຮູ້ເຖິງປັນຫາຄວາມຂາດແຄວນ ທີ່ເກີດຂື້ນໃນທົ່ວທຸກມຸມໂລກ ຈາກພື້ນທີ່ໂດຍກົງ ເພື່ອເປັນການວາງແຜນການຈັດການອາຫານຢ່າງໄວວາ.   

ການລະບາດພະຍາດໂຄວິດ-19 ເປັນສິ່ງທີ່ເຕືອນຄົນທັ້ງໂລກ ໃຫ້ຄໍານຶງເຖິງການຮັກສາຄວາມຫຼາກຫຼາຍທາງຊີວະພາບໃນທ້ອງຖິ່ນໃນໄລຍະຍາວ ເນື່ອງຈາການທີ່ເກີດຂື້ນນີ້ ໄດ້ສົ່ງຜົນໂດຍກົງຕໍ່ຂະບວນການຜະລິດອາຫານ ແລະ ສະແດງໃຫ້ເຫັນເຖິງສາຍສໍາພັນທີ່ສໍາຄັນ ຂອງການພື່ງພາອາໄສກັນຂອງມະນຸດ, ສັດ ແລະ ສິ່ງແວກລ້ອມ ໃນທ້ອງຖິ່ນ.

ສໍາລັບຄໍາຂວັນວັນອາຫານໂລກປີ 2020 ນີ້ແມ່ນ:

Grow, nourish, sustain. Together.
Our actions are our future.

(ພ້ອມກັນເຕີບໂຕ ເພີ່ມພູນ ຢ່າງໝັ້ນຄົງ: ສິ່ງທີ່ເຮົາໃນມື້ນີ້ ຄືແວ່ນແຍງອະນາຄົດຂອງເຮົາເອງ)

—-

ແຫຼ່ງທີ່ມາຂອງຂໍ້ມູນ:
– Thairath: https://www.thairath.co.th/lifestyle/life/1954234
– FAO: http://www.fao.org/3/ca9893en/CA9893EN.pdf