ເສີມສ້າງຂີດຄວາມສາມາດອຳນາດການປົກຄອງຂັ້ນຕາແສງ ດ້ານກົດໝາຍທີ່ດິນ ແລະ ຊັບພະຍາກອນ.
ໂຄງການ PIASVC ພາຍໃຕ້ອົງການເຮວວີຕັສ ໄດ້ດຳເນີນການຝຶກອົບຮົມເຜີຍແຜ່ກົດໝາຍທີ່ດິນ ແລະ ຊັບພະຍາກອນທຳມະຊາດ ໃຫ້ແກ່ອຳນາດການປົກຄອງຕາແສງໂດຍມີຜູ້ເຂົ້າຮ່ວມ ຈຳນວນຫຼາຍກວ່າ 30 ທ່ານ ເຊິ່ງສະຖານທີ່ຢູ່ບ້ານນາສະຫວ່າງ ເມືອງນາໝໍ້ ແຂວງອຸດົມໄຊ. ການຝຶກອົບຮົບດຳເນີນໂດຍຄູຝຶກຈາກສະມາຄົມ CDEA ຮ່ວມກັບພະນັກງານລັດຂັ້ນເມືອງ ທີ່ຜ່ານການຝຶກຄູຝຶກຫຼັກຂັ້ນສູນກາງ ພ້ອມຍັງມີທະນາຍຄວາມຈາກສູນກາງລົງໄປໃຫ້ຄວາມຮູ້ທາງດ້ານວຽກງານຍຸຕິທຳຕື່ມ.
ຜົນໄດ້ຮັບຈາກການຝຶກອົບຮົມຄັ້ງນີ້
- ເສີມສ້າງຂີດຄວາມສາມາດຂອງອຳນາດການປົກຄອງຂັ້ນບ້ານ ໃນການຕີຄວາມ ແລະ ນຳໃຊ້ກົດໝາຍທີ່ດິນ
- ເພີ່ມຄວາມເຂົ້າໃຈເກືອບກັບສິດ ແລະ ຂອບເຂດການນຳໃຊ້ທີ່ດິນ
- ຊ່ວຍປ້ອງກັນຄວາມສ່ຽງການເສຍສິດນຳໃຊ້ທີ່ດິນໃນອະນາຄົດ
- ເສີມສ້າງທັກສະໃຫ້ໜ່ວຍໄກ່ເກ່ຍຂັ້ນບ້ານ ສາມາດຈັດການ ແລະ ບັນທຶກຄະດີໄດ້ໂດຍອີງໃສ່ຫຼັກຖານຕ່າງໆ ຢ່າງມີລະບົບ
- ສ້າງຄວາມເຂັ້ມແຂງກົນໄກແກ້ໄຂຂໍ້ຂັດແຍ່ງໃນລະດັບຊຸມຊົນ ກ່ອນຈະຂະຫຍາຍໄປສູ່ຂັ້ນຕໍ່ໄປ
- ສົ່ງເສີມການລົງທຶນກະສິກຳຢ່າງຮັບຜິດຊອບ ແລະ ຄຳນຶງເຖິງສິດຊຸມຊົນ
- ສົ່ງເສີມຄວາມຍືນຍົງທາງອຳນາດການປົກຄອງຂັ້ນຕາແສງ ຜ່ານການຖ່າຍທອດຄວາມຮູ້ທາງດ້ານກົດໝາຍ ແລະ ນະໂຍບາຍ
ຈາກລະດັບສູນກາງສູ່ລະດັບທ້ອງຖິ່ນ ຜ່ານການຝຶກອົບຮົມຄັ້ງນີ້ ໂຄງການມີຄວາມເຊື່ອໝັ້ນວ່າ ອຳນາດການປົກຄອງຂັ້ນບ້ານ ມີຄວາມໝັ້ນໃຈຫຼາຍຂຶ້ນໃນການໃຫ້ຄຳແນະນຳກົດໝາຍ ແລະ ຊ່ວຍຫຼຸດຜ່ອນຂໍ້ຂັດແຍ່ງ ເພື່ອສ້າງຊຸມຊົນທີ່ເຂັ້ມແຂງ ແລະ ຍືນຍົງ
