Home LIFE Project ໄວໜຸ່ມ ແລະ ການເຜີຍແຜ່ຂໍ້ມູນກ່ຽວກັບການອະນຸລັກທີ່ດິນ ແລະ ຊັບພະຍາກອນທໍາມະຊາດ

ໄວໜຸ່ມ ແລະ ການເຜີຍແຜ່ຂໍ້ມູນກ່ຽວກັບການອະນຸລັກທີ່ດິນ ແລະ ຊັບພະຍາກອນທໍາມະຊາດ

Date

Category

ໂດຍ: LIFE

ສຳລັບນັກສຶກສາ (ຄົນຊົນເຜົ່າ ທີ່ບໍ່ແມ່ນລາວລຸ່ມ) ຄະນະນິຕິສາດ ປີ 2 ແລະ ປີ 3, ມະຫາວິທະຍາໄລແຫ່ງຊາດລາວ ທີ່ສົນໃຈໃນການເຮັດກິດຈະກໍາຊ່ວຍເຫຼືອສັງຄົມ, ຢາກຈະຝຶກ ແລະ ພັດທະນາທັກສະຂອງຕົນເອງໂດຍການຜ່ານການເຮັດກິດຈະກຳຫຼາກຫຼາຍປະເພດ, ແລະ ນີ້ແມ່ນໂອກາດທີ່ທີ່ນ້ອງໆຈະໄດ້ ຮຽນຮູ້ກົດໝາຍທີ່ກ່ຽວກັບການນຳໃຊ້ທີ່ດິນ ແລະ ການອະນຸລັກສິ່ງແວດລ້ອມ.ສໍາລັບຫົວຂໍ້ຂອງໂຄງການນີ້ມີຊື່ວ່າ: ການເຜີຍແຜ່ຂໍ້ມູນກ່ຽວກັບການອະນຸລັກທີ່ດິນ ແລະ ຊັບພະຍາກອນທໍາມະຊາດ ເຊິ່ງເປັນໂຄງການທີ່ມີໄລຍະ 9 ເດືອນ. ສໍາລັບນ້ອງໆຜູ້ທີ່ຈະເຂົ້າຮ່ວມໂຄງການນີ້ ແມ່ນຈະໄດ້ຮຽນຮູ້ເຄື່ອງມືທີ່ຈະໃຊ້ໃນການເຜີຍແຜ່ຂໍ້ມູນອັນໃໝ່ໆເຊັ່ນ: ສາຍນ້ຳແຫ່ງຊີວິດ ແລະ ເປັນນັກສະແດງເອກໃນເລື່ອງລະຄອນເວທີຂອງຕົນນຳ.
ວິທີເຫຼົ່ານັ້ນແມ່ນ ຈະສາມາດຊ່ວຍໃຫ້ນ້ອງໆ ເຜີຍແຜ່ກົດໝາຍໄປຫາປະຊາຊົນບ້ານເກີດຂອງຕົນໃນຮູບແບບທີ່ມ່ວນ ຊື່ນ ແລະ ໜ້າສົນໃຈດ້ວຍ.  

ທີ່ສໍາຄັນ ຈາກການເຂົ້າຮ່ວມໂຄງການນີ້ ຍັງເປັນການປະກອບສ່ວນໃນການເຜີຍແຜ່ຄວາມຮູ້ທີ່ນ້ອງໆມີໃຫ້ແກ່ຊຸມຊົນຕົວເອງ ແລະ ເປັນການເກັບກ່ຽວປະສົບການໃໝ່ໆ ແລະ ຮຽນຮູ້ຮ່ວມກັບຊຸມຊົນຂອງຕົນເອງໄປພ້ອມໆກັນດ້ວຍ.  

ສໍາລັບລາຍລະອຽດການສະໝັກເຂົ້າຮ່ວມໂຄງການແມ່ນ:

  1. ເປີດໃຫ້ເອົາແບບຟອມສະຫມັກໃນວັນທີ 2.10.2019 ທີ່ຫ້ອງການ CLE (ໃນ ຄະນະນິຕິສາດ-ລັດຖະສາດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ)
  2. ສົ່ງຟອມໄດ້ທີ່: ຫ້ອງການ CLE
  3. ປິດຮັບແບບຟອມໃນວັນທີ 9.10.2019
  4. ນັດສໍາພາດວັນທີ 16 – 18.10.2019
  5. ປະກາດຜົນ 31.10.2019

**ຫມາຍເຫດ:  ກ່ອນສະຫມັກຕ້ອງໄດ້ຫາໝູ່ທີ່ຢູ່ບ້ານດຽວກັນຢ່າງໜ້ອຍໜຶ່ງຄົນເພື່ອເຂົ້າຮ່ວມໂຄງການ

ສໍາລັບລາຍລະອຽດຂອງ ໄລຍະການດໍາເນີນໂຄງການມີຄື:

  • ເດືອນ 𝟎𝟗, 2019: ເປີດຮັບສະໝັກຟອມ
  • ເດືອນ 𝟏𝟎, 2019: ປະກາດລາຍຊື່ຜູ້ຖືກຄັດເລືອກ
  • ເດືອນ 𝟏𝟏, 2019: ເຝິກອົບຮົມຄັ້ງທີ 𝟏: ຮຽນກ່ຽວກັບເຄື່ອງມືຕ່າງໆ (𝟏𝟒-𝟏𝟕/𝟏𝟏/𝟐𝟎𝟏𝟗)
  • ເດືອນ 𝟏𝟏, 2019 – ເດືອນ 𝟏, 2020: ກັບບ້ານເກີດຂອງຕົນເພື່ອທັກສະນະສຶກສາ
  • ເດືອນ 𝟐, 𝟐𝟎𝟐𝟎: ເຝິກອົບຮົມຄັ້ງທີ 𝟐: ແລກປ່ຽນເລື່ອງລາວຮ່ວມກັນ (𝟐 ວັນ)
  • ເດືອນ 𝟓, 𝟐𝟎𝟐𝟎: ເຝິກອົບຮົມຄັ້ງທີ 𝟑: ຮຽນກົດໝາຍ ແລະ ການສະແດງລະຄອນເວທີ (𝟓 ວັນ)
  • ເດືອນ 𝟕-𝟖, 𝟐𝟎𝟐𝟎: ກັບໄປບ້ານເກີດ ແລະ ເຮັດກິດຈະກຳລະຄອນເວທີ ແລະ ອື່ນໆນຳທີມໂຄງການ
  • ເດືອນ 𝟗, 𝟐𝟎𝟐𝟎: ເຝິກອົບຮົມຄັ້ງສຸດທ້າຍ: ຖອດຖອນບົດຮຽນໂຄງການຮ່ວມກັນ

ສຳລັບນ້ອງໆທີ່ສົນໃຈ ແມ່ນສາມາດສອບຖາມຂໍ້ມູນເພີ່ມເຕີມໄດ້ທີ່:
ໂທ: 𝟎𝟑𝟎 𝟓𝟕𝟒𝟕 𝟗𝟓𝟗 (ຫ້ອງການ 𝐒𝐓𝐄𝐋𝐋𝐀)
ເຟສບຸກ Stella: www.facebook.com/TheSTELLA/

Recent posts

ການປ່ຽນແປງການຄອບຄອງທີ່ດິນ ໃນປະເທດ ຮົງກາລີ

ນປະເທດຮົງກາລີ, ບັນດາບໍລິສັດ ແລະ ນິຕິບຸກຄົນ ບໍ່ສາມາດຊື້ທີ່ດິນເປັນກໍາມະສິດໄດ້, ດິນກະສິກໍາບໍ່ສາມາດຂາຍໄດ້, ນອກຈາກໃນທ້ອງຖິ່ນ.

ລັດຖະບານລາວ ໄດ້ກໍານົດ “6 ນະໂຍບາຍພິເສດ” ເພື່ອສະໜັບສະໜູນໂຄງການສ້າງເສັ້ນທາງລົດໄຟ ລາວ-ຈີນ

ໂຄງການນີ້ແມ່ນມີປະມານ 4,411 ຄອບຄົວ ທີ່ໄດ້ຮັບຜົນກະທົບ ເຊິ່ງມີຄວາມຄືບໜ້າ ກວ່າ 70% ໃນຂະນະທີ່ການຊົດເຊີຍດໍາເນີນໄດ້ 20.4% ໂດຍຄາດວ່າຈະສໍາເລັດຕາມກຳນົດເວລາ ໃນ ເດືອນ ທັນວາ 2021ນີ້.

ເປັນຫຍັງຄົນທີ່ຜະລິດອາຫານໃຫ້ຄົນສ່ວນໃຫຍ່ໃນໂລກບໍລິໂພກ ຈຶ່ງເປັນຄົນທີ່ອຶດຫິວທີ່ສຸດ?

ການກະສິກຳໃນເຂດຊົນນະບົດແມ່ນ ຜະລິດອາຫານເຖິງ 80% ທີ່ບໍລິໂພກກັນໃນປະເທດກຳລັງພັດທະນາ ແຕ່ເບິ່ງຄືວ່າຄົນກຸ່ມນີ້ພັດເປັນຜູ້ທີ່ອຶດຫີວ ທີ່ສຸດ.

ລັດຖະບານລາວ ເດີນຫນ້າສ້າງເຂື່ອນຫລວງພະບາງ ຂະໜາດ 1,460 ເມກາວັດ ເທິງແມ່ນໍ້າຂອງ

ເຂື່ອນຫຼວງພະບາງນີ້ ຈະສ້າງຜົນກະທົບໂດຍກົງແກ່ປະຊາຊົນ 26 ບ້ານ ຈາກ 3 ແຂວງຄື: ຫຼວງພະບາງ, ໄຊຍະບູລີ ແລະ ອຸດົມໄຊ ເຊິ່ງມີ840 ຄົວເຮືອນ ຫຼື ເປັນຈໍານວນ 9,974 ຄົນ ທີ່ຈະຕ້ອງຖືກຍົກຍ້າຍທີ່ຢູ່ອາໄສ ແລະທີ່ດິນທຳມາຫາກິນ

ການກໍ່ສ້າງທາງລົດໄຟ ລາວ – ຈີນ ຄືບໜ້າ 70% ໃນຂະນະການຈ່າຍຄ່າຊົດເຊີຍຜູ້ໄດ້ຮັບຜົນກະທົບແມ່ນ 20.4%

ທ້າຍເດືອນສິງຫາຜ່ານມາ, ໂຄງການກໍ່ສ້າງທາງລົດໄຟ ລາວ – ຈີນ ສ້າງໄດ້ ກວ່າ 70% ຈະສໍາເລັດຕາມກຳນົດເວລາ ທ້າຍປີ 2021. ໃນຂະນະທີ່ການຊົດເຊີຍຈ່າຍແລ້ວ 369 ຕື້ກີບ ເທົ່າກັບ 20.4% ຂອງຈຳນວນເງິນທີ່ຕ້ອງຈ່າຍຄ່າຊົດເຊີຍທັງໝົດ 2,492 ຕື້ກີບ.
loລາວ
en_USEnglish loລາວ