ໂຄງການ ໄລ້ຟ໌ ໄດ້ເລີ່ມດໍາເນີນງານມາຕັ້ງແຕ່ປີ 2014 ຊຶ່ງມີເປົ້າໝາຍ ເພື່ອແກ້ໄຂຂໍ້ຄົງຄ້າງທີ່ພົວພັນເຖິງ ນະໂຍບາຍທີ່ດິນ ແລະ ການຈັດຕັ້ງປະຕິບັດນະໂຍບາຍທີ່ດິນ ລວມທັງຜົນກະທົບຂອງການເສຍໂອກາດ ຂອງຊາວກະສິກອນລາວ.
ໂຄງການ ໄລ້ຟ໌ ແມ່ນໄດ້ຮັບການສ້າງຕັ້ງຂື້ນໂດຍ ອົງການຄູ່ຮ່ວມງານ ທີ່ປະກອບດ້ວຍອົງການຈັດຕັ້ງ ທາງສັງຄົມລາວ ທີ່ເປັນສະມາຊິກຂອງ ກຸ່ມແລກປ່ຽນຂໍ້ມູນເລື່ອງທີ່ດິນ (LIWG) ໂດຍ ອົງການ ບ້ານຈຸດສຸມສາກົນ ແມ່ນເປັນເຈົ້າພາບໃຫ້ທີ່ຕັ້ງຂອງໂຄງການ ໄລ້ຟ໌. ໂຄງການ ໄລ້ຟ໌ ໄດ້ຮັບການຈັດຕັ້ງປະຕິບັດຮ່ວມກັນໂດຍ ອົງການເຄືອຂ່າຍຄູ່ຮ່ວມພັດທະນາ.
ຈຸດພົ້ນເດັ່ນຂອງໂຄງການມີຄື:
- ໂຄງການ LIFE ມີຄວາມສາມາດໃນການເຮັດໃຫ້ທິດສະດີແນວຄິດທີ່ຊັບຊ້ອນເຊັ່ນ ມາດຕາ ແລະ ບົດບັນຍັດຂອງກົດໝາຍ ແລະ ລະ ບຽບການວ່າດ້ວຍທີ່ດິນຂອງປະເທດລາວ ສາມາດເຂົ້າໃຈງ່າຍ ສໍາລັບບຸກຄົນທົ່ວໄປທີ່ມີພື້ນຖານທີ່ແຕກຕ່າງກັນ
- ເຄື່ອງມືຝຶກອົບຮົມ ແລະ ຫຼັກສູດ LIFE ແມ່ນປັບໃຫ້ເຂົ້າກັບສະພາບການທີ່ແຕກຕ່າງ ແລະ ຄວາມຕ້ອງການຂອງຜູ້ທີ່ໄດ້ຮັບຝຶກອົບຮົມ
- ໂຄງການ LIFE ບັນລຸຜົນໃນການ ເອົາບັນຫາທີ່ດິນເຂົ້າເປັນສ່ວນໜຶ່ງຂອງກິດຈະກໍາປົກກະຕິຂອງອົງການຜູ້ທີ່ໄດ້ຮັບການຝຶກອົບຮົມ ໂດຍຈໍາແນກໜ້າທີ່ຕົ້ນຕໍຂອງອົງການນັ້ນໆ. ໂຄງການ LIFE ຍັງໄດ້ເພີ່ມທະວີຄວາມໝັ້ນຄົງໄລຍະຍາວ ກ່ຽວກັບການຄອບຄອງທີ່ດິນຂອງຜູ້ປະກອບການທາງດ້ານກະສິກໍາຂະໜາດນ້ອຍ ແລະ ຊາວກະສິກອນ
- ການຝຶກອົບຮົມຂອງໂຄງການ LIFE ແມ່ນອອກແບບມາເພື່ອຊຸກຍູ້ ໃຫ້ອົງການຜູ້ທີ່ໄດ້ຮັບຝຶກອົບຮົມສາມາດນໍາໄປຝຶກຕໍ່ໃຫ້ກັບຊຸມຊົນໃນພື້ນທີ່ເປົ້າໝາຍຂອງຕົນ ເພື່ອກໍ່ໃຫ້ເກີດຜົນປະໂຫຍດທີ່ສືບເນື່ອງຕໍ່ໄປ
- ໂຄງການ LIFE ໄດ້ມີທີມງານທີ່ມີຄຸນນະພາບ ແລະ ຄວາມສາມາດໃນການສ້າງໃຫ້ເກີດມີການໂອ້ລົມປຶກສາຫາລືກ່ຽວກັບ ບັນຫາທີ່ດິນຢ່າງມີຄວາມໝາຍ ລະຫວ່າງຜູ້ທີ່ມີສ່ວນຮ່ວມຈາກຫຼາຍພາກສ່ວນ.
ທ່ານສາມາດດາວໂລດແຜ່ນພັບກ່ຽວກັບໂຄງການສະບັບພາສາລາວ ແລະ ອັງກິດ ຂ້າງລຸ່ມນີ້:
ລາວ 
English