Home Compensation and Resettlement ການກໍ່ສ້າງທາງລົດໄຟ ລາວ – ຈີນ ຄືບໜ້າ 70% ໃນຂະນະການຈ່າຍຄ່າຊົດເຊີຍຜູ້ໄດ້ຮັບຜົນກະທົບແມ່ນ 20.4%

ການກໍ່ສ້າງທາງລົດໄຟ ລາວ – ຈີນ ຄືບໜ້າ 70% ໃນຂະນະການຈ່າຍຄ່າຊົດເຊີຍຜູ້ໄດ້ຮັບຜົນກະທົບແມ່ນ 20.4%

Date

Category

ແຫຼ່ງຂ່າວຈາກ ເສດຖະກິດ-ການຄ້າ

ທ້າຍເດືອນສິງຫາຜ່ານມາ, ໂຄງການກໍ່ສ້າງທາງລົດໄຟ ລາວ – ຈີນ ສ້າງໄດ້ ກວ່າ 70% ເຊິ່ງຄາດວ່າຈະສໍາເລັດຕາມກຳນົດເວລາ ພ້ອມເປີດຂະບວນປະຖົມມະລືກ ໃນວັນທີ 2 ທັນວາ 2021. ໃນຂະນະທີ່ການຊົດເຊີຍຈ່າຍໄປແລ້ວ 369 ຕື້ກີບ ເທົ່າກັບ 20.4% ຂອງຈຳນວນເງິນທີ່ຕ້ອງຈ່າຍຄ່າຊົດເຊີຍທັງໝົດ 2,492 ຕື້ກີບ.

ສ່ວນການມອບພື້ນທີ່ໃຫ້ໂຄງການ ແມ່ນໄດ້ມອບແລ້ວ 98.29% ຈາກພື້ນທີ່ທັງໝົດຂອງແລວລົດໄຟ ແລະ ພື້ນທີ່ສະຖານີ 3,000 ເຮັກຕາ. ໃນນີ້, ເນື້ອທີ່ສ້າງສະຖານີທັງ 10 ແຫ່ງ ລວມ 812.7 ເຮັກຕາ.

ສຳລັບການຈ່າຍຄ່າຊົດເຊີຍຜ່ານມາແມ່ນໄດ້ຈ່າຍໄປແລ້ວ 20.4% ເປັນເງິນ 369 ຕື້ກີບ ແລະ ໃນສະເພາະປີ 2019 ນີ້ ມີຕົວເລກທີ່ຈະຕ້ອງຈ່າຍຊົດເຊີຍ 450 ຕື້ກີບ. ໃນນັ້ນ, ເປັນງົບປະມານຂອງລັດຖະບານໃນສົກປີນີ້ 250 ຕື້ກີບ ເຊິ່ງປັດຈຸບັນໄດ້ຈ່າຍໄປຮອດບັນດາ  ແຂວງທີ່ນອນໃນໂຄງການແລ້ວ 134 ຕື້ກີບ, ສ່ວນທີ່ຍັງເຫຼືອກໍາລັງດໍາເນີນເອກະສານຂໍເບີກຈ່າຍ.

ນອກຈາກນີ້, ຍັງມີງົບຂອງບໍລິສັດລົດໄຟ ລາວ – ຈີນ ຈຳນວນ 200 ຕື້ກີບ ທີ່ໃຊ້ເຂົ້າໃນການຈ່າຍຊົດເຊີຍໃນສົກປີນີ້. ນອກນີ້, ຍັງມີອີກ 317 ຕື້ກີບ ເປັນເງິນຊ່ວຍເຫຼືອຈາກລັດຖະບານຈີນ ທີ່ຈ່າຍຊົດເຊີຍໃນຮູບແບບສ້າງບ້ານຈັດສັນໃຫ້ 4 ຈຸດ.

ທ່ານ ແທ່ນຄຳ ທອງບົນ ໄດ້ກ່າວອີກວ່າ: ຈຳນວນທີ່ໄດ້ຈ່າຍໄປແລ້ວ ບວກກັບຕົວເລກໃນສົກປີ 2019 ນີ້ ລວມມີ 1,136 ຕື້ກີບ ຈາກງົບປະມານທີ່ຕ້ອງການເພື່ອມາຊົດເຊີຍທັງໝົດ 2.492 ຕື້ກີບ ນັ້ນໝາຍເຖິງວ່າຍັງຕ້ອງການງົບອີກ 1,356 ຕື້ກີບ ເພື່ອນຳໃຊ້ເຂົ້າໃນການຊົດເຊີຍ ເຊິ່ງລັດຖະບານໄດ້ມີແຈ້ງການອອກມາແລ້ວ ໂດຍໄດ້ເອົາເຂົ້າງົບປະມານໃນສົກປີ 2020 ຈຳນວນ 400 ຕື້ກີບ ສ່ວນທີ່ເຫຼືອແມ່ນມອບໃຫ້ທະນາຄານ ແຫ່ງ ສປປ ລາວ ຂາຍເປັນພັນທະບັດ ເພື່ອມາຈ່າຍຄ່າຊົດເຊີຍ.

ໂຄງການກໍ່ສ້າງທາງລົດໄຟ ລາວ – ຈີນ ມີມູນຄ່າການລົງທຶນທັງໝົດປະມານ 5,956 ລ້ານໂດລາ ໂດຍລັດວິສາຫະກິດລົດໄຟແຫ່ງຊາດລາວຖືຫຸ້ນ 30% ແລະ 70% ຂອງ 3 ວິສາຫະກິດຈີນ ຄື: ບໍລິສັດ ທາງລົດໄຟບໍ່ເຕັນ – ວຽງຈັນ ຖືຫຸ້ນ 40%, ບໍລິສັດ ລົງທຶນປັກກິ່ງຢູ່ຄຸນ 20% ແລະ ບໍລິສັດ ລົງທຶນຫຸ້ນສ່ວນ ແຂວງຢູນໜານ ຈຳກັດ ຖືຫຸ້ນ 10%.

ໂຄງການດັ່ງກ່າວ ເລີ່ມແຕ່ຊາຍແດນ ລາວ – ຈີນ ຫາ ນະຄອນຫຼວງວຽງຈັນ ມີ ຄວາມຍາວ 414 ກວ່າກິໂລແມັດ ໂດຍເລີ່ມແຕ່ບໍ່ເຕັນ ຜ່ານ ແຂວງ ຫຼວງນໍ້າທາ, ແຂວງອຸດົມໄຊ, ແຂວງຫຼວງພະບາງ, ແຂວງວຽງຈັນ ແລະ ນະຄອນຫຼວງວຽງຈັນ ໂດຍມີການ ເຈາະອຸມົງ ລວມທັງໝົດມີ 75 ແຫ່ງ. ໃນນີ້, ມີສະຖານີໃຫຍ່ 3 ສະຖານີ ຄື:ສະຖານີຫຼວງພະບາງ, ສະຖານີວັງວຽງ ແລະ ສະຖານີນະຄອນຫຼວງວຽງຈັນ.

ຂ່າວອ້າງອີງຈາກ ເສດຖະກິດ-ການຄ້າ: http://bit.ly/30Jl80P

Recent posts

ໂຄງການໄລຟ໌: ການຮຽນຮູ້ທີ່ຫຼາກຫຼາຍ ກ່ຽວກັບຊັບພະຍາກອນທີ່ດິນ ແລະ ທໍາມະຊາດ

ວິດີໂອນີ້ແມ່ນສ້າງຂື້ນ ເພື່ອແບ່ງປັນຂໍ້ມູນກ່ຽວກັບວິທີການຕ່າງໆທີ່ທາງທີມງານໄລຟ໌ໄດ້ນໍາໃຊ້ເຂົ້າໃນການຝຶກອົບຮົມ ທີ່ຜ່ານມາ.

ຂໍ້ຫ້າມ ສຳລັບພະນັກງານປະເມີນລາຄາທີ່ດິນ ແລະ ເຈົ້າຂອງກໍາມະສິດທີ່ດິນ

ການ ຮ່າງຂໍ້ຕົກລົງນີ້ ມີຈຸດປະສົງເພື່ອເຮັດໃຫ້ ການກຳນົດຫົວໜ່ວຍລາຄາທີ່ດິນ ໃຫ້ສອດ ຄ່ອງກັບການຂະຫຍາຍຕົວຂອງເສດຖະ ກິດ – ສັງຄົມໃນແຕ່ລະໄລຍະ ເພື່ອເປັນຫຼັກການໃນການປະເມີນລາຄາທີ່ດິນ

ສຽງຂອງແມ່ຍິງໃນສະພາແຫ່ງຊາດ: ການນໍາສະເໜີປະເດັນກ່ຽວກັບສິ່ງແວດລ້ອມ ແລະ ສັງຄົມ ຂອງ ສສຊ ທ່ານຍິງໃນກອງປະຊຸມສະໄໝສາມັນຄັ້ງທີ 8 ຂອງສະພາແຫ່ງຊາດ

ໃນໂພສນີ້ ພວກເຮົາໄດ້ສັງລວມການນໍາສະເໜີຂອງ ບາງ ສສຊ ທ່ານຍິງກ່ຽວກັບປະເດັນເລື່ອງ ຊັບພະຍາກອນທໍາມະຊາດ ແລະ ຄວາມໂປ່ງໃສຂອງການປະຕິບັດໜ້າທີ່ຂອງພາກສ່ວນລັດຖະບານ.

ການພັດທະນາຄູ່ມືຝຶກອົບຮົມກ່ຽວກັບ ການສົ່ງເສີມໃຫ້ປະຊາຊົນເຂົ້າເຖິງກົດໝາຍ ແລະ ຂະບວນການຍຸຕິ ທຳ ສຳລັບພະນັກງານຂັ້ນທ້ອງຖິ່ນ

ໄລຍະຜ່ານມາກໍຄືປັດຈຸບັນຢູ່ຮາກຖານປະຊາຊົນຍັງບໍ່ທັນເຂົ້າເຖິງຂະບວນການຍຸຕິທຳທັງໆທີ່ລັດເຮົາມີຂະບວນການຍຸຕິທຳເພື່ອປົກປ້ອງສິດ, ຜົນປະໂຫຍດຂອງພົນລະເມືອງໄວ້ແລ້ວແຕ່ປະຊົນບໍ່ສາມາດເຂົ້າເຖິງເຮັດໃຫ້ພົນລະເມືອງຜູ້ທີ່ຖືກລະເມີດສິດ, ຜົນປະໂຫຍດບໍ່ໄດ້ຮັບການປົກປ້ອງ.

Authorities plough through 438 project assessments in search of land tax

The assessment focused on seven scenarios, namely so-called ghost projects, cancelled projects, expired projects, implementing projects, those without land leases and concessions from the government, conflicted projects, and projects transferred from state ownership to private use.
loລາວ
en_USEnglish loລາວ