ໂຄງການ PIASVC  ​ໄດ້​ສ້າງ​ກົນ​ໄກ​ແກ້​ໄຂ​ຄຳ​ຮ້ອງ​ທຸກ​ທີ່​ສາມາດ​ເຂົ້າ​ເຖິງ (GRM), ​ເພື່ອ​ຮັບ ​ແລະ ອຳນວຍ​ຄວາມ​ສະດວກ​ໃຫ້​ແກ່​ການ​ແກ້​ໄຂຂໍ້​ກັງ​ວົນ ​ແລະ ຄຳຮ້ອງທຸກ​ຂອງ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ໂຄງການ, ພ້ອມ​ທັງ​ໃຊ້​ມາດ​ຕະການ​ທີ່​ຈຳ​ເປັນ ​ແລະ ເໝາະ​ສົມ​ເພື່ອ​ແກ້​ໄຂ​ໃຫ້​ທັນ​ການ ​ແລະ ມີ​ປະສິດທິ​ຜົນ.

ການຮ້ອງທຸກສາມາດຖືກສົ່ງຜ່ານຊ່ອງທາງຕ່າງໆ, ຖ້າຜູ້ໃດຜູ້ໜຶ່ງເຊື່ອວ່າໂຄງການມີຜົນກະທົບທາງລົບຕໍ່ຊຸມຊົນ (ເຊັ່ນ: ໂຄງການມີຜົນກະທົບທາງລົບ ຕໍ່ການດໍາລົງຊີວິດ, ພຶດຕິກໍາຂອງພະນັກງານໂຄງການ, ການສື່ສານທີ່ບໍ່ເຫມາະສົມ, ການຂາດການມີສ່ວນຮ່ວມ, ແລະ ອື່ນໆ). ກົນ​ໄກ​ນີ້ອາດຈະປະກອບມີ ຄໍາຖາມສໍາລັບຂໍ້ມູນລະ​ອຽດເພີ່ມເຕີມ,  ຄວາມກະຈ່າງແຈ້ງ, ຄໍາຄິດຄໍາເຫັນ ແລະ ຄໍາແນະນໍາໃຫ້​ແກ່ໂຄງການ ເພື່ອສ້າງຄວາມ ເຂັ້ມແຂງໃນການອອກແບບ ແລະ ການຈັດຕັ້ງປະຕິບັດໂຄງການ.

​ກົນ​ໄກ​ແກ້​ໄຂ​ຄຳ​ຮ້ອງ​ທຸກ​ທີ່​ສາມາດ​ເຂົ້າ​ເຖິງ (GRM) ມີ​ຈຸດ​ປະ​ສົງ​ເພື່ອ​ບັນ​ທຶກ​, ຈັດ​ປະ​ເພດ​, ຈັດ​ລຳ​ດັບບູ​ລິມະ​ສິດ ​ແລະ ​ແກ້​ໄຂ​ຄຳຮ້ອງ​ທຸກ​ຈາກ​ຜູ້​ມີ​ສ່ວນ​ຮ່ວມ​ທີ່​ໄດ້​ຮັບ​ຜົນ​ກະ​ທົບຈາກ​ໂຄງ​ການ​. ເຊິ່ງມີຈຸດປະສົງເພື່ອແກ້ໄຂຂໍ້ຂ້ອງໃຈ ແລະ ຄຳຮ້ອງທຸກຢ່າງທັນການ ແລະ ໂປ່ງໃສ, ໂດຍບໍ່ມີຄ່າໃຊ້ຈ່າຍໃດໆຕໍ່ຜູ້ຮ້ອງທຸກ, ແລະ ປາສະຈາກການຈຳແນກຕໍ່ການລາຍງານໃດໆທີ່ສ້າງຂຶ້ນໂດຍຜູ້ໄດ້ຮັບຜົນກະທົບຈາກໂຄງການ.

ອົງ​ການ ເຮວ​ວິ​ຕັດ ປະ​ຈຳ​ລາວ (Helvetas) ໄດ້ມອບໝາຍໃຫ້ຜູ້ປະສານງານ​ໃນການຮ້ອງທຸກ (GC) ​ເຊິ່ງເປັນຜູ້​ຕິດ​ຕໍ່ຫຼັກ​ຂອງໂຄງການໃນການຮ້ອງທຸກ. ແຕ່ລະອົງ​ກອນຜູ້ໄດ້​ຮັບທຶນຍ່ອຍ ຍັງໄດ້ແຕ່ງ​ຕັ້ງໃຫ້ບຸກຄົນຈຸດສຸມວຽກ​ງານດ້ານສິ່ງແວດລ້ອມ ແລະ ສັງຄົມ, ໂດຍມີໜ້າທີ່ຮັບຜິດຊອບ​ໃນ​ວຽກ​ງານການຮ້ອງທຸກ ແລະ ເປັນຈຸດຫຼັກ​ໃນການຕິດຕໍ່​ປະ​ສານ​ງານ​ຫາໂຄງການ.

ມີຊ່ອງທາງການຮ້ອງທຸກທີ່ຫຼາກຫຼາຍ ເພື່ອຮັບປະກັນວ່າກົນໄກດັ່ງກ່າວສາມາດເຂົ້າເຖິງໄດ້ກັບທຸກຄົນ:

– ຜ່ານ​ການ​ໂອ້​ລົມທາງ​ໂທ​ລະ​ສັບ
– ແບບເຊິ່ງ​ໜ້າ
– ແບບ​ຂຽນ ແລະ ສົ່ງ​ຜ່ານ​ທາງ​ອີ​ເມວ ໂດຍ​ນຳ​ໃຊ້​ແບບ​ຟອມ​ການ​ຮ້ອງ​ທຸກ ຫຼື ຜ່ານ​ທາງວັອດ​ແອັບ (WhatsApp)

ກະ​ລຸ​ນາ​ຕິດ​ຕາມ​ຄຳ​ແນະ​ນຳ​ໃນ​ຮູບ​ພາບ​ລຸ່ມ​ນີ້ ຫຼື ທ່ານສາມາດເຂົ້າໃຈກົນໄກການຮ້ອງທຸກຂອງໂຄງການຜ່ານວີດີໂອປະກອບມີ
– ພາສາລາວ https://youtu.be/Hhpy1rDJiUw
– ພາສາມົ້ງ https://youtu.be/3fsnaZjWLIQ
– ພາສາຕະໂອ້ຍ https://youtu.be/FU8hyHv167A
– ພາສາສຸ້ຍ https://youtu.be/7ravUDsb9Us