ໂດຍ ກຸ່ມແລກປ່ຽນຂໍ້ມູນເລື່ອງທີ່ດິນ
ຈົດໝາຍຂ່າວ ກຸ່ມແລກປ່ຽນຂໍ້ມູນເລື່ອງທີ່ດິນ (LIWG) ສະບັບນີ້ ເປັນສະບັບທີ8 ປະຈໍາໄຕມາດ ເດືອນ ກໍລະກົດ – ກັນຍາ 2020. ຈົດໝາຍຂ່າວຂອງພວກເຮົາແມ່ນມີຈຸດປະສົງ ເພື່ອນຳສະເໜີ ກ່ຽວກັບບັນດາກິດຈະກຳຕ່າງໆທີ່ໄດ້ຈັດຕັ້ງປະຕິບັດໂດຍ ກອງເລຂາກຸ່ມແລກປ່ຽນຂໍ້ມູນເລື່ອງທີ່ດິນ, ເຄືອຂ່າຍ, ຄູ່ຮ່ວມງານ ແລະ ໂຄງການລິເລີ່ມກ່ຽວກັບວຽກງານດ້ານທີ່ດິນ, ການປົກປັກຮັກສາຊັບພະຍາກອນທຳມະຊາດ ແລະ ການສົ່ງເສີມການເຄົາລົບສິດທິຂອງຊຸມຊົນ ຕໍ່ກັບການຄອບຄອງທີ່ດິນ ແລະ ຊັບພະຍາກອນທຳມະຊາດ.
ເນື້ອໃນສໍາຄັນໃນຈົດໝາຍຂ່າວສະບັບນີ້ ມີຄື:
- ກອງປະຊຸມສະມາຊິກຫຼັກ ເພື່ອນໍາສະເໜີວຽກຂອງກອງເລຂາ ແລະ ປະເດັນຕ່າງໆກ່ຽວກັບທີ່ດິນ
- ການນໍາສະເໜີບົດສຶກສາ ແມ່ຍິງ ແລະ ສິດທິທີ່ດິນໃນປະເທດລາວ
- ກອງປະຊຸມ ຂະແໜງການຍ່ອຍກ່ຽວກັບທີ່ດິນ
- ຄວາມຄືບໜ້າວຽກງານການພັດທະນາປະຕິທິນກົດໝາຍສະບັບປີ 2021
- ການຝຶກອົບຮົມແກ່ຄູ່ຮ່ວມງານຂອງໂຄງການໄລຟ໌ ກ່ຽວກັບສິດທິທີ່ດິນຕາມປະເພນີ ແລະ ການແກ້ໄຂຂໍ້ຂັດແຍ້ງ ແລະ ການເປັນຜູ້ອໍານວຍຄວາມສະດວກ
- ໂຄງການ ສົ່ງເສີມໄວໜຸ່ມຊົນເຜົ່າໃນການເຜີຍແຜ່ຂໍ້ມູນກ່ຽວກັບການອະນຸລັກທີ່ດິນ ແລະ ຊັບພະຍາກອນທໍາມະຊາດ
- ບົດອ່ານແນະນໍາ ແລະ ຂ່າວເດັ່ນກ່ຽວກັບປະເດັນທີ່ດິນ ແລະ ຊັບພະຍາກອນທໍາມະຊາດໃນລາວ
ລາວ 
English